Рамиль Канипов - Синен янда гына юл башым

Чык суында юдым битемне.
Иркәм, миннән хәбәр көттеңме?..
Кайтып киләм җәйге иртәдә,
Таң нурлары булып иркәлә...

Ал гөлләрем - бүләк итәргә,
Вәгъдә биргән идең көтәргә.
Уйчан саба җиле юлдашым,
Синең янда гына юл башым.

Сандугачлар сайрый өздереп,
Олы сөю барын сиздереп.
Сагынуым йөрәк түремдә,
Саф хисләрем ташый күңелдә.

Ал гөлләрем - бүләк итәргә,
Вәгъдә биргән идең көтәргә.
Уйчан саба җиле юлдашым,
Синең янда гына юл башым.

Тәнем йөзә татлы таң буйлап,
Йөгерешә дулкын җан буйлап...
Ямьле гөлләр минем кочакта,
Каршыма чык, кысып кочакла!..

Ал гөлләрем - бүләк итәргә,
Вәгъдә биргән идең көтәргә.
Уйчан саба җиле юлдашым,
Синең янда гына юл башым.